WHO ကဘာဖြစ်လို့ ကိုဗစ်ကာကွယ်ဆေးထိုးဖို့ အရေးတကြီးတိုက်တွန်းနေတယ်လို့ထင်ပါသလဲ။
မာယာများတဲ့ ကိုဗစ်ရောဂါပိုးကိုထိန်းချုပ်နိုင်ဖို့ဆိုရင် Herd Immunity လို့ခေါ်တဲ့ လူဦးရေအစုလိုက်အပြုံလိုက် ရောဂါပိုးကိုခုခံနိုင်စွမ်းအားရှိနေရပါမယ်။ ဒါမှ ရောဂါကူးစက်မှုကွင်းဆက်ကိုဖြတ်နိုင်မှာဖြစ်ပါတယ်။
Herd Immunity ဖြစ်ဖို့အတွက် နှစ်နည်းရှိပါတယ်။
(၁) ရောဂါကူးစက်ခံရပြီးကိုယ်ခံအားရရှိစေခြင်း
(၂) ကာကွယ်ဆေးထိုးနှံခြင်း တို့ဖြစ်ပါတယ်။
ကိုဗစ်ဟာ ကူးစက်ခံရသူရဲ့ ၁ ရာခိုင်နှုန်းသေစေနိုင်တယ်ဆိုရင်တောင် တစ်နိုင်ငံလုံးအတိုင်းအတာ၊ တစ်ကမ္ဘာလုံးအတိုင်းအတာအရဆိုရင် အလွန်များပြားတဲ့ပမာဏဖြစ်တဲ့အတွက် ရောဂါကူးစက်ခံရပြီး Herd Immunity ရအောင်ပစ်ထားလိုက်ဖို့မဖြစ်နိုင်ပါဘူးဆိုပြီး WHO Chief Scientist Dr. Soumya Swaminathan မှသုံးသပ်ပြောကြားထားပါတယ်။ သေဆုံးနှုန်းအလွန်များပြားသွားနိုင်တဲ့အတွက်ကြောင့် WHO အနေနဲ့ လူဦးရေအများအပြား ကာကွယ်ဆေးထိုးပြီး Herd Immunity ရဖို့ အရေးတကြီးတိုက်တွန်းနေရခြင်းဖြစ်ပါတယ်။
ကိုဗစ်ကူးစက်ပျံ့ပွါးမှုကိုထိန်းချုပ်နိုင်ဖို့ဆိုရင် လူဦးရေ ၆၀-၇၀ ရာခိုင်နှုန်းခန့်ကာကွယ်ဆေးထိုးထားဖို့လိုအပ်ပါတယ်လို့ Dr. Soumya Swaminathan မှထပ်မံပြောကြားထားပါတယ်။
ကိုဗစ်နှင့်ပတ်သက်ပြီး WHO အနေနဲ့နောက်ထပ်သတိပေးနှိုးဆော်ထားတာကတော့ ကိုဗစ်ကာကွယ်ဆေးများအပါအဝင် Covid နဲ့ပတ်သက်သောမလိုလားအပ်တဲ့ Online မှသတင်းအမှားများပျံ့နှံ့မှုကိုကာကွယ်နိုင်ဖို့အတွက် စိတ်ချယုံကြည်ရတဲ့ အဖွဲ့အစည်း၊ သတင်းမီဒီယာများမှ သတင်းအချက်အလက်များကိုသာမျှဝေကြဖို့ဖြစ်ပါတယ်။
ဒါ့ကြောင့် မိမိနှင့် မိမိပတ်ဝန်းကျင်မှာရှိတဲ့ချစ်ခင်ရသူများအတွက် အသက် ၁၈ နှစ်ပြည့်ပြီးသူတိုင်းအနေနဲ့ မိမိလက်လှမ်းမီနိုင်တဲ့ ကိုဗစ်ကာကွယ်ဆေးကို အမြန်ဆုံးထိုးကြဖို့ တိုက်တွန်းနှိုးဆော်အပ်ပါတယ်။
References
WHO, 2020. Who.int. [Online]
Available at: https://www.who.int/…/herd-immunity-lockdowns-and-covid…#
[Accessed 13 Sept 2021].
WHO, 2020. Youtube. [Online]
Available at: https://www.youtube.com/watch?v=U47SaDAmyrE&t=2s
[Accessed 13 Sept 2021].
WHO, 2021. Facebook. [Online]
Available at: https://www.facebook.com/WHO/videos/1955627807939347
[Accessed 13 Sept 2021].
