၂ဆကူးစက်မြန် Delta
Delta ကူးစက်ပျံ့နှံ့ပုံ
Delta မျိုးစိတ်ဟာ အလွန်အမင်းကူးစက်လွယ်ပြီး အရင်ကိုဗစ်မျိုးစိတ်တွေထက် ၂ဆ
ပိုမိုကူးစက်မြန်ကြောင်းတွေ့ရှိရပါတယ်။
တချို့သော လေ့လာတွေ့ရှိချက်တွေအရ Delta မျိုးစိတ်ဟာ ကာကွယ်ဆေးမထိုးထားတဲ့သူတွေမှာ အရင်မျိုးစိတ်တွေထက် ရောဂါပိုမိုပြင်းထန်ကြောင်းဖော်ပြထားပါတယ်။
Canada နိုင်ငံနှင့် Scotland နိုင်ငံမှ လေ့လာတွေ့ရှိချက်အရ Delta မျိုးစိတ်ဟာ Alpha မျိုးစိတ် နှင့်တခြားသောမူလမျိုးစိတ်တွေထက် ဆေးရုံတက်ရောက်ကုသရတဲ့အခြေအနေပိုများကြောင်းဖော်ပြထားပါတယ်။
ကိုဗစ်ကာကွယ်ဆေးမထိုးရသေးတဲ့သူတွေကတော့ အရမ်းကိုသတိထားရပါမယ်။ Delta မျိုးစိတ်ဟာ ကိုဗစ်ကာကွယ်ဆေးအပြည့်အဝထိုးထားတဲ့သူတွေမှာတောင် ရောဂါကူးစက်နိုင်ပါတယ်။ ကာကွယ်ဆေးထိုးထားပြီး ရောဂါကူးစက်ခံရလျှင် လက္ခဏာပြတာလဲဖြစ်နိုင်သလို၊ လက္ခဏာမပြတာလဲဖြစ်နိုင်ပါတယ်။
လက္ခဏာပြတဲ့သူတွေကတော့ တခြားသူတွေကို ရောဂါကူးစက်စေနိုင်ပြီး
ရောဂါလက္ခဏာမပြတဲ့သူတွေဆိုရင် တခြားသူကို ရောဂါကူးစက်နိုင်လားဆိုတာကိုတော့ Centers for Disease Control and Prevention အဖွဲ့အစည်းမှ ဆက်လက်လေ့လာနေဆဲဖြစ်ပါတယ်။
အရင်မျိုးစိတ်တွေတုန်းက ကာကွယ်ဆေးထိုးထားတဲ့သူတွေမှာ ကိုဗစ်ထပ်မံကူးစက်ခံရရင် ကာကွယ်ဆေးမထိုးထားတဲ့သူတွေထက် ခန္ဓာကိုယ်ထဲ ဗိုင်းရပ်စ်ပြန့်ပွါးနှုန်းဟာပိုမိုနည်းပါးစေပါတယ်။
ဒါပေမယ့် Delta မျိုးစိတ်မှာတော့ ရောဂါကူးစက်ခံရရင် ကာကွယ်ဆေးထိုးထားသူဖြစ်ဖြစ်၊ မထိုးထားသူဖြစ်ဖြစ် ခန္ဓာကိုယ်ထဲ ဗိုင်းရပ်စ်ပြန့်ပွါးနှုန်းက အတူတူပဲဖြစ်ပါတယ်။ သို့သော် ကာကွယ်ဆေးထိုးထားတဲ့သူတွေမှာ တခြားသူကို ရောဂါကူးစေနိုင်တဲ့အချိန်ပမာဏက ပိုတိုစေနိုင်ပါတယ်။
Delta နှင့် ကိုဗစ်ကာကွယ်ဆေး
U.S နိုင်ငံမှာ အသုံးပြုတဲ့ ကိုဗစ်ကာကွယ်ဆေးတွေကတော့ Delta မျိုးစိတ်အပါအဝင် တခြားမျိုးစိတ်ကြောင့်ဖြစ်စေနိုင်တဲ့ ရောဂါဆိုးရွားမှုတွေ၊ အသက်သေဆုံးမှုတွေကို ကာကွယ်ပေးနိုင်ပါတယ်။ ဒါပေမယ့် ရာနှုန်းပြည့်တော့ မဟုတ်ပါဘူး။ တချို့ကာကွယ်ဆေးအပြည့်အဝထိုးထားတဲ့သူမှာတောင် ရောဂါထပ်မံကူးစက်ခံရနိုင်ပြီး ရောဂါလက္ခဏာခံစားစေနိုင်ပါတယ်။ သို့သော် ကာကွယ်ဆေးထိုးထားတဲ့အတွက်ကြောင့် ရောဂါဆိုးဆိုးရွားရွားဖြစ်တာတွေ၊ အသက်ဆုံးရှုံးရတာတွေကိုတော့ အတော်အတန်ကာကွယ်ပေးနိုင်ပါတယ်။
Masks တပ်ပါ
ကာကွယ်ဆေးတွေဟာ ရောဂါပြန့်ပွါးမှုနဲ့ ရောဂါဆိုးရွားမှု တွေကိုလျှော့ချနိုင်ဖို့ အဓိကအရေးပါတဲ့အချက်ဖြစ်ပေမယ့် ကာကွယ်ဆေးထိုးထားတိုင်းလဲ အပြည့်အဝမကာကွယ်နိုင်သေးပါဘူး။ ထပ်မံကူးစက်ခံရနိုင်ခြေရှိပါတယ်။
ဒါကြောင့် ရောဂါကူးစက်ပျံနှံ့မှုကို လျှော့ချနိုင်ဖို့အတွက် Mask များကို စနစ်တကျတပ်ဆင်ပြီး ကိုဗစ်ကာကွယ်ရေးနည်းလမ်းများကို ဂရုတစိုက်လိုက်နာဖို့ အရေးကြီးပါတယ်။
Ref: CDC, 2021. Centers for Disease Control and Prevention. [Online]
Available at: https://www.cdc.gov/…/2019…/variants/delta-variant.html
[Accessed 24 August 2021].
